▍肚痛肚屙唔使驚？

相信唔少人都有過肚痛肚痾嘅經驗，俗語話「肚屙」，中醫學名稱為「泄瀉」，指嘅就係排便次數突然增多、糞質稀爛，甚至食完冇耐就將未消化好嘅食物排出體外，嚴重嘅更會好似水一樣瀉出。古時醫學文獻將排便較緩者稱為「泄」，大便清稀如水而勢急者稱為「瀉」，現時臨床上統稱為泄瀉。好多時肚痾會伴隨腹脹、腹痛、腸鳴、食慾不振等症狀。一個人冇得去廁所固然係問題，但屙得太頻密一樣係身體發出警號，正所謂「久瀉必虛」，絕對不能忽視。

▍從排便次數、糞便形態來定義泄瀉

中西方對「肚屙」」泄瀉定義都差不多，參考布里斯托糞便分類圖（Bristol Stool Scale），從糞便形態來看：輕度腹瀉對應第5型（柔軟塊狀，斷邊光滑，容易排出），糞質偏軟，排便次數略增，屬輕度泄瀉；中度腹瀉屬第6型（蓬鬆泥狀，表面粗糙），糞質不成形，水分增多，排便頻繁，我們俗稱「糊狀」；重度腹瀉則是第7型（完全液體，無固體），糞質如水樣，即係「屙水」，多見於急性腸道失調或嚴重泄瀉。簡言之，泄瀉就是排便次數增多、糞質稀薄或呈水樣，伴隨脾胃功能失調的一類病症。

▍中醫點睇肚痾？唔止「食錯嘢」咁簡單

自古以來，泄瀉就係常見疾病。西醫治療腹瀉通常會用消炎同收斂藥物，而中醫治療則講求辨證論治，必須透過望聞問切，分清疾病嘅寒熱虛實，掌握發病嘅核心機理。外感風寒暑濕、飲食不節、過度疲勞、情緒波動等，都有機會影響脾胃同大小腸嘅正常功能，當中可分為「虛」、「實」、「寒」、「熱」四大類，你係邊種？

虛證

脾虛及腎陽虛屬於「虛證」範疇，通常病程較長，身體元氣受損，或者本身體質偏弱。患者腹痛唔算劇烈，反而係鍾意暖暖哋按住肚皮，病情反反覆覆，時好時壞，容易演變成慢性腹瀉。長期腹瀉會令身體流失營養，建議選擇容易消化又唔刺激腸道嘅食物，例如：

實證

飲食不節、外感寒濕熱毒、情緒失調則屬於「實證」，發病較急，痛勢較劇，通常屙完之後腹痛會暫時緩解，多數係急性腹瀉。呢個時候可以考慮進食流質食物，例如濃米湯、稀藕粉、杏仁霜、去油肉湯、淡茶、過濾果汁等。情況好轉後可轉食半流質，好似爛麵、白粥、蒸水蛋等。但要特別留意：避免飲牛奶，因為牛奶雖然唔含纖維，但會增加腸道殘渣，反而加重病情。仲有，記住少食多餐，食物唔好太凍，以免刺激腸道。

寒證

如果你大便清稀如水，或者見到未消化嘅食物，肚痛時感覺陣陣發冷，鍾意飲暖嘢或者敷住個肚，咁就多數屬於寒證。呢種情況通常因為受咗寒，或者本身陽氣唔夠，腸道好似凍僵咗咁，無力運化食物。調理方向就係要「溫住佢」，可以飲生薑紅糖水，或者用暖包敷肚臍，記住戒凍飲同生冷嘢。

熱證

相反，如果你大便色黃、氣味好臭，屙得好急，肛門有灼熱感，甚至覺得口乾口苦，成個人好煩躁，咁就多數屬於熱證。呢種情況通常係因為食得太多煎炸油膩、辛辣刺激嘅嘢，或者身體本身濕熱重，腸道好似俾火燒咁。呢個時候就千祈唔好再補，反而要清一清，飲食要清淡，可以諗吓綠豆湯、馬蹄露呢類清熱嘅食物。

當然，臨床上病情千變萬化，有時會虛實夾雜、寒熱交錯，例如本身體虛但又夾雜濕熱，或者外表怕冷但體內有熱。到底係邊種情況？中醫都會有相應嘅治療方法！

▍仲有一種「敏感腸胃」：明明冇食錯嘢，點解成日屙？

如果你成日遇到以下情況：明明冇食生冷嘩，又冇感冒，但一緊張、一考試、一見客、甚至一諗起煩心事，個肚即刻就痛，急住要屙，屙完又舒服返；或者每次食完飯半個鐘就一定要去廁所，啲大便有時爛、有時硬，仲成日覺得脹氣、谷住谷住咁——咁你好大機會係腸胃太敏感，即係現代醫學講嘅「腸易激綜合症」。

肝氣鬱結

喺中醫角度，呢種情況唔係簡單嘅「虛」或者「實」，而係情緒（肝）同消化（脾）之間協作失調。我哋經常話「思慮傷脾」，都市人壓力大、諗嘢多、緊張焦慮，會直接影響脾胃嘅運作；另一方面，情緒唔順、成日谷住道氣（中醫叫「肝氣鬱結」），呢股氣就會反過嚟「欺負」脾胃，搞到腸道功能紊亂。簡單講，就係個肚成日受情緒影響，自己控制唔到。

多系統功能失調

講到呢度，你可能會問：西醫點睇？有趣嘅係，現代醫學對腸易激綜合症嘅成因，至今仍然冇一個統一嘅說法。有研究指向心理因素，例如焦慮、壓力會直接誘發病徵；有人認為同腸道細菌菌群失調有關，好菌壞菌比例失衡，影響消化功能；亦都有理論提到「腦腸軸」紊亂——即係大腦同腸道之間嘅溝通出現問題，令腸道變得過分敏感。簡單講，就係一個涉及神經系統、內分泌系統、腸道微生態嘅複雜問題。

多系統功能失調

正正因為病因涉及多個臟腑同組織系統，中醫嘅整體觀念同辨證論治思維就顯得更為合適。我哋唔會頭痛醫頭、腳痛醫腳，而係將呢個人當作一個整體嚟睇：你嘅壓力（肝）、你嘅消化（脾）、你嘅作息、你嘅飲食習慣，全部環環相扣。治療上會從疏肝理氣、健脾和胃入手，幫你條氣順返，腸胃自然就聽話。呢種「調人」而唔淨係「治病」嘅思維，正好對應呢啲多因素、多系統失調嘅現代都市病。

平時生活上，可以留意以下幾點：
• 飯前半個鐘盡量唔好諗公事、唔好鬧交
• 食飯要專心，唔好一邊食一邊碌手機
• 適量運動，尤其係散步、瑜伽、太極呢類可以放鬆身心嘅活動
• 可以試吓玫瑰花茶、陳皮水，有助疏肝解鬱

如果你成日都「一緊張就屙」，唔好以為自己「怪」，呢個係現代人好常見嘅問題，絕對可以透過中醫調理慢慢改善。

▍肚痾食乜好？

肚痾期間，有啲食物最好暫時戒口：
• 粗糧類：各種全麥食品、粟米、堅果
• 蔬菜類：唔好以為食多啲菜就健康，好似芹菜、韭菜、芽菜、筍等高纖維蔬菜，反而會加重腸道負擔
• 容易脹氣嘅食物：洋蔥、生蘿蔔要少吃
• 生冷蔬果：菠蘿、草莓都要避免
• 油炸食品：絕對要禁止，烹調應以蒸、煮、燜為主

對於虛寒體質、反覆肚痾嘅朋友，平時可以多留意飲食調養，配合三伏天天灸、三九天天灸療法，或火龍灸、督脈灸等溫灸療法，都有唔錯嘅調理作用。

▍重要提醒：咩情況唔係普通肚痾？

雖然一般肚痾可以透過飲食調理同中醫治療慢慢好轉，但係如果出現以下情況，就絕對唔可以輕忽，必須正視：

温馨提示：以上內容僅供參考，每人體質不同，如有不適請諮詢註冊中醫師，進行個人化辨證治療。

中醫村扎根香港近二十年，對各類老人病累積了豐富臨床經驗，我們的香港註冊中醫團隊，精通『針藥結合』療法，熟悉經方、時方、特色針灸(醒腦開竅針法、平衡針、靳三針、董氏奇穴、腹針療法、火龍灸、暖宮助孕灸、美容針等)。多年來深耕內科雜病領域，對各類疑難雜症的辨證施治有獨到心得，上工治未病，及早從根源調理開始，立即預約中醫村專業團隊，為您制定個性化中醫治療方案！立即線上預約，全港8區設有中醫診所（中環│北角│旺角│觀塘│荃灣│元朗│大埔 )，由香港註冊中醫師駐診 | 致電預約：

文：註冊中醫師 李耀培